Dickson's Journal
20 most recent posts

Date:2006-01-05 00:56
Subject:
Security:Public

還有幾天,新學期又開始,看來又是時候做個循例的結算

2005年對我來說...是怎樣的一年?
05年頭,還是year 1 的sem 2,沒甚麼特別,
上的都是無聊的單元,到小學觀課四天,倒是挺特別
原本希望在三個多月的暑假好好的找份工作,
誰想到竟然找了一分人工又少,又要埋沒良心的工作.......這樣,我的暑假便沒有了~

year 2..終於讓我感到四萬二的學費是有一點點的價值,這個sem,忙得交加,
但所學的也很充實,充實當中,又令我感到不足,唉,看書太少了.......希望來年能惡補一下
也好,這個sem也能測試我的能耐,暫時,還能撐下~
工作方面,年頭找的歌唱班終於開鑼,事先,真的有擔心,始終不是讀music, 真的不知怎去教
幸好,也教得不錯,還很開心,當然,還有改善的地方,這就留待來年改善~
還有,開始找到教中學的班,那個感覺實在是很微妙,真的沒想過自己會以教師的身份站在中學裡的教室,
畢竟,兩年前,仍是中學生,這種感覺,我想在來年的實習會更加強烈。


上年,我亦膽粗粗的到了學校的排球隊練習,其實,如果不是掉了六十磅,我是不會去的...
在學校練球,讓我感受到甲組球隊的練習方式,雖然,最後並不能入選,但也讓我知道差距在那裡,所以來年希望在進攻和體能方面加強只點。進攻方面,ssp區賽後,貌似改善了不少,希望繼續;體能就真的比較差了,幾個來回球就能教我去死....其實,打球也是年半的事,想起舊年,也進步了很多很多~不過比較可惜就是chris的離隊,可知我和他的快攻配合了很久,才有些樣子~

最後 ,當然不得不提就是"真的戀愛了",對,這次是真的。開始的時候,真的是比較緊張,不知到要做些甚麼(其實現在也不太清楚),但...現在,我感到是習慣了,需然只是三個月,但好像很久的事,可能是沒有所謂的激烈感覺,但我覺得很舒服,不知道這是不是我一廂情願....

post a comment



Date:2005-10-06 13:51
Subject:
Security:Public

寄小讀者

親愛的讀者:

很多人說,放在網上的日記,就是讓別人看,就是作秀給人家看,但是,我不以為…
我從來沒有把我的日記公開,只是希望有個地方能夠容納我的記憶,好讓我在孤單落漠,長夜難眠時,有些寄託;好讓我懷緬一番,裝裝憂鬱;好讓我不用把一切一切都埋藏在身體裡,騰出一絲絲的空間

可是,我太天真了,我應該聽從政府呼籲,不要在網上胡亂發佈個人密碼、信用卡資料及個人隱私。既然是自己犯錯,雖不能怨,但仍然可以呻吧! 

要知道,我真沒想到有人看我的大作,所以,在這裡出現的,基本上都是赤裸裸的,未經修飾的,我完全沒有心理準備在別人面前脫衣服…這都不是最重要,最重要是不單我的感情沒有修飾,連我的文筆也沒有修飾…
天…怎麼說,我都是一個中文系二年級的學生,我真希望大家不要懷疑我的中文水平,那些錯別字、錯語法、錯詞匯、低水平的比興,希望大家見諒

另一方面,其實我也很高興有人追讀我的隨筆,感嘆有人會仔細賞析,好比研讀中文會考的篇章…
我的隨筆原來也能像《醉翁亭記》一樣,給人背得朗朗上口;也能像《驀然回首》一樣,給人反覆研究段與段的關係;也能像《一剪梅》那樣,令人才下眉頭卻上心頭……

philanthropist



這是用普通話拼音來打的 真要命

1 comment | post a comment



Date:2005-10-04 09:42
Subject:
Security:Public

好像發了一場夢....

post a comment



Date:2005-10-04 02:46
Subject:
Security:Public

要說的,都說了....已經是我能力範圍內,最露骨,最白................
我希望能繼續做您的慈善家吧.....

post a comment



Date:2005-10-02 14:28
Subject:
Security:Public

一天比一天心緒不寧....應該要速戰速決....做到嗎?

post a comment



Date:2005-10-02 01:54
Subject:
Security:Public

感動過,猶豫過

post a comment



Date:2005-09-30 12:31
Subject:
Security:Public

其實感覺確實不太好...
好像那時的感覺,當時我們也常常通電話的...
越接近,越會想,越想,又好像越遠,究竟我明白自己的心意嗎?

post a comment



Date:2005-09-30 12:21
Subject:
Security:Public

當我的情感正想豁出去的時候....
衛道的理性就立即跑出來....

post a comment



Date:2005-09-27 22:30
Subject:
Security:Public

其實我也很想上白雲開博士的現代文學...
但太睏了...

post a comment



Date:2005-09-27 22:26
Subject:
Security:Public

長橋行過 截停夜車 突然又想 一起坐船
航程完結 蕩回岸邊 又尋藉口 拖多半天
話長路短 走到那邊 又不想告別 再送遠點
在站前路邊 應該卻步了 還要坐進咖啡店

請准我護送 多十餘步 終點再三推遠
再會已講了十遍 都未疲倦 只嫌夜晚太短
回家這路線 好像情話 轉完還在轉
肯不兜圈 一早到了 何以 和你始終 兜兜轉

明明完了 別離在即 突然又想 不需要完
如何留你 尚能望天 密雲夜空 等出雨點
經過士多 走過戲院 又不想告別 再送遠點
在大門入口 告別難避免
才說漏了背包 又原路 巡十遍
幾多個藉口 也仍然未夠 終點也是終點

請准我護送 多十餘步 分手再三推遠
再會已講了十遍 都未疲倦 仍在對方面前
回家這路線 好像情話 轉完還在轉
如果一早想我走 不拖不欠
何事我 護送間 你又會 紅著臉

拖這樣遠 都未情願 親口說改天見
你大概知約會這 曖昧同伴 甜蜜卻不自然
回家這路線 只是緣份 某條延續線
兜多幾圈 終於會斷
這雙愛侶 差一點 卻未算


很少會post歌詞...但完全說中了...怎能不記下...

post a comment



Date:2005-09-26 11:16
Subject:
Security:Public

我想...我還未放低...

post a comment



Date:2005-09-26 11:07
Subject:
Security:Public

失眠的原因有很多,我想....我是一個太勤力的人,潛意識不允許自己睡覺...
一定是這樣,不會是其他原因......

空閒的時候會想著想著,時而甜蜜,時而煩腦,總的來說,就是煩惱.....

post a comment



Date:2005-09-25 20:34
Subject:
Security:Public

昨日,整天都外出了...又是星期六活動日,又是和她...
到了尖沙嘴,然後因為風的呼喚,乘船到了中環,然後到了銅鑼灣,到了灣仔,又回到尖沙嘴,再到佐敦,油麻地,旺角,終點是太子.......
是否這樣子繼續下去?還是我想多了?經歷五年的問題,會有答案嗎?

post a comment



Date:2005-09-20 15:00
Subject:
Security:Public

等... 其實都過左咁耐,應該要close file...
定係再等呢....感覺呢樣野,我都捉摸唔到!!!

post a comment



Date:2005-09-18 23:36
Subject:
Security:Public

開左學接近一個月啦,係咪好忙呢,又未算既,不過一定唔會好空閒囉
其實個timetable 都ok ,尤其將sat o個堂調左,不過唔方便搵part time... 所以希望做都student helper 啦...
呢幾個禮拜感覺都好充實,練波,上堂,預習,功課,睇書... d 堂都實用好多,遲d一定忙d ,但 at least 我而家覺得讀d野係meaningful....

其實好多野都想記低,但又無恆心日日寫...
而家落筆寫,又唔係好知寫咩好 ....

anyway,呢排真係有o個種"心如鹿撞"既感覺..... 好似好接近咁.....
搞到成日係到諗..... 唉.... 其實真係好多concern嫁...... 諗,可能好美好,但... 事實....係唔知,我都好似無咩信心...
救命....估唔到放低左既野...又拎返起..........

1 comment | post a comment



Date:2005-08-19 20:29
Subject:
Security:Public

um... 其實呢個幾月都有好多野值得寫低既...
但係,都無... 算啦,繼續o係個腦度keep record 算啦....
summer就黎放完啦...真係一個好好好長o既假期...

post a comment



Date:2005-06-29 00:27
Subject:
Security:Public

真係好耐無打diary... 講真,唔係好想打,不過無野做又訓唔著...
其實我都好鐘意逃避,因為呢兩個月既心情都幾複雜....唔想面對
anyway...開心既都好多既... 首先係考琴pass左啦,個人又瘦左,打波進步神速...都唔錯~

post a comment



Date:2005-04-27 02:27
Subject:
Security:Public

今日約左grace拎書,好耐無見~
之後去左食tea...無咩特別

唉,仲未掂d功課,無咩動力咁~
搞到個心掛掛....不過,唔知關功課事,定其他野...
好奇怪,我諗唔應該諗嫁...但又會咁諗既....

仲有樣好02既野....社署真係請我做purple姐姐囉...真係無野講....

1 comment | post a comment



Date:2005-04-23 20:35
Subject:
Security:Public

我就寫返晒呢兩個禮拜既野!!!!!

9/4
見社署份工,分別係教唱歌同功輔班,無錯,係教唱歌,哈哈,我諗住in下之嘛…. 途中仲見到呂太… 如果唔係要再返去交form,我諗已經一齊飲茶… 不過唔係要再返去交form又唔會撞倒….
之後就落左尖咀,交收季節,仲買左好耐都無買過既忽周,實在太正喇,大蛇捲姍窿!!

10/4
發現左葉童既嘈吵唔係一朝一夕既時,請翻查廿年前既影后得獎作,<<表錯七日情>>,係<<風流家族>>既前傳
係我諗住做D訓去預備聽日去練琴既時候…..收到陳生急call….原來係家庭糾紛…..仲以為又關讀書事添….
發現我屋企…係好正常,陳生…同埋lin姐….真係…..家家有本難唸的經…..
之後打埋機都成四點幾先返到屋企….

11/4
下午去左練琴… 個琴…勁難彈..唔知點考喇…
練完波返黎就同靚女傾long dis..好似o係香港咁…..

12/4
晨咁早就出左去拎教材…中文寫作班o個個…
份教材….真係幾無聊… 但有令我擔心hand 唔handle 個class…..因為真係第一次去教野..

然後夜晚就同祐and祝食飯…都兩個幾月無見喇…當然要詳談詳談啦….
尤其我地留意左好耐… 阿譚生既love affair… 你話八又好,關心又好,朋友梗要share呢d野嫁啦…..但我真係唔明佢有咩能耐惹d狂風浪疊……佢個淫賤莊…..真係呢…….
仲有….沙田和民真係好難食,service 有差


13/4
學琴…竟然…錯時間…….

14/4
per tut gathering + 返工…. 無咩特別.. 但開始緊張啦…聽日要交中傳啦…星期六上堂啦,星期日比賽啦,星期一交ouc啦…星期二考琴…..救命….d暗瘡係咁出…即係…都緊張…都care既…. 好在我識用理智去balance 返….

15/4
結果都係返到學校先做中傳… 殯儀之星…唉…希望…拉返上個sem d分啦….
開頭諗著做埋ouc…備埋課先返…但係…搞好中傳d野…再借下書..都六點…返沙田逛左陣就返歸…

16/4
第一次上堂…. 準備d野…勁快講完…幾驚…好在…教mind-map…都用好多時間….份教材…真係totally useless….
然後呢…就同旭藍食早餐… 下午…應該要做ouc既….但係,最後都failure…..仲無咩點練琴
唉…未做好d野個心係籮籮孿…$1500喎…考琴喎…ouc喎…

17/4
10點就o係紅磡比賽…所以好早就去到….個心不斷諗住ouc同考琴…..
點知今次要首發….不過,開頭諗住會鎮定d… 因為..我主要煩緊ouc同考琴,所以唔係大care個比賽….同埋諗住做到比賽都唔緊張…對考琴有幫助…
唔….結果…唔算好緊張,但係都係比較打得保守,好似一傳..今日接左超多一傳,直接接失只係兩,三球….. 不過由於打得保守,好多時我係到晒位,準備晒…但係唔太敢加力送高d…所以唔算好到,攔網又係,唔敢預判…慢晒,發球開頭就咁開位…都有一分….之後打順左…敢開跳發…仲無error添…不過唔敢發力,所以,無ace….進攻…無得講…只係set左兩球俾我,防守,ok啦,同平日差不多,overall黎講,第一次打滿全場,都ok滿意…
打完比賽之後…竟然有鬆晒既感覺…原來,我都care個race既…

返歸之後…就訓….訓醒就做功課….都算順利…但都成兩點先訓….


18/4
點解咁急要尋晚做晒ouc…因為今朝要見工….但見完之後呢…真係想放火消左間補習社,一早走上去interview,畫埋d低能畫…然後同我講90-120係per 2hr,唔係per hr!!! 徙晒我d時間,我練琴唔好?!!!不過我決定唔放火黎懲罰佢地,而係唔做!!!請唔都我絕對係一種懲罰!!!!!!!!
之後趕返屋企練琴….然後就出大埔學琴…第一次係大埔學,聽日就考喇…
學完就返學校交ouc…咁因為係block d交ouc…咁諗住去同elieen say個hi…一敲門…佢就講”係,請入黎”,真係笑死我,不過我仲未當面踢爆…
ouc又交埋…就去沙田行下….仲買左diesel隻錶…唉…隻錶好靚既…但其實未係買既時候…..

19/4
一早起身,練埋scale…就去考,其實如果正常發揮,pass梗…重點係正常發揮

一開始考scale先,A major,好易…但隻手都係勁震…只後contrary motion,F# major,彈錯左一個音…佢俾我彈多次,勁好人….但係chromatic scale麻麻….arpeggios都係
到pieces 啦…. part a…死左….part b,開頭….restart 過….之後…臨尾香…但overall ok,part c 應該係最好
oral…其實好易…不過唔知o唔ok…,呀..仲有sight reading… 唔,以我既standard,我覺得唔錯嫁啦,仲要好好彩係 F major 既歌… 唔知呢$1500點呢….

返屋企之後,去左剪髮,今次好滿意,因為勁薄,好鐘意~
之後,買brother個printer之餘…買埋ipod speaker …但係….又係唔應該買….唉…


20/4
返學校聽talk….. vera 話想去台灣喎…搞到到心郁郁….
要睇….有無野做喇….

kcr 工喎…唉…太誠實了………


21/4
去左土瓜灣…見工…間補習社…奇奇怪怪…..不過人工ok囉….
之後…夜晚…喪食…蝦醬炒飯….etc……

22/4
買左
《電光幻影》2nd version
《single》
《Riot on an Empty Street》


社署...打黎...話教唱歌consider緊...係教唱歌...唔係功輔...真係無野講...


23/4
第二堂作文班… 充足備課+唔理教材,效果好好多….仲開始有d老師格…哈哈..

買左speaker之後,好似重拾返聽歌既興趣,成日喪播《single》,好耐未試過喪播

應該開始要緊張…t and l + slc + clit…………

post a comment



Date:2005-04-06 22:06
Subject:我的喪蒲日記
Security:Public

呢幾日真係做左好多野...

首先,星期日.... 再一次證明花墟唔係一個好地方... 緊張呢樣野曉傳染嫁!
然後o個晚... 先施施然做slc個presentation... 做完都成點...勁眼訓...未做book report... 就訓左...

雖然個present 做得咁趕... 但係效果一樣好好。事關ah kit唔舒服,所以第一組就present...
present 完,芳芳姐就俾comment 啦,咁佢就話我地都大致ok,口語可以再改進,內容同結構都幾好咁啦..
咁呢d comment 都好common,點知我地之後打落咁多組都俾佢插爆...體無完膚....我地唔單止無被插,仲被praise添..
開頭諗住可能第一組,所以無插,但係諗落芳芳姐咁有性格,點會話第一組就唔插~
所以其實都好開心,一來,付出咁少時間,就有咁好既收穫;二來,再次肯定自己既能力~
後來,仲知道個presentation佔成40%....勁開心...
present 完就做book report 啦,o係ied第一次交o個日先做.......

夜晚就精彩... 練完波之後去唱k喎~ 因為跟住係紅假..個個都唔使返工..
之前,佢地叫左我幾次食飯都無去~今次又真係得閑,而且又想social下,始終唔覺唔覺都join左接近半年,聯誼下係有需要既~

去到k 房開頭都好收歛,最多都係同mandy傾下計.. 之後又飲酒,有勁玩.... 真係好耐無玩到咁癲~
個個都忍唔住俾個服我,最搞笑就係mandy話未聽過我講咁多野...哈哈...文靜形象就咁無左....~
唱完k仲要食早餐,狂煲水... 成八點先走...返到大圍係眼訓到要搭的士返屋企...

諗住喪蒲一晚後要好好休息,點知陳生又話上去cwb買野...但最後都無功而還...
行左陣...去食野啦,同陳生食呢... 搵餐廳係耐過食嫁...不過,今次間上海舖又ok既..
食完野,過返尖咀...搵呀左....佢話勁悶..要搵野玩...
講真,其實我已經好累...但係佢未試過約我喎,我諗佢真係好悶...
打完機之後.. 就飲野,傾計..點知就知道好多驚天大秘密....唉...我o個班竟然有個咁既淫娃.........真係人不可以貌相....
之後一路傾...都幾好傾,而且佢既人生真係幾豐富....傾到落返旺角搭車走... 返到去都三點幾...


咁就喪蒲左兩日了....
不過,喪蒲係有代價的...又要加把勁再黎過.........

----------------------------------------------------------------------------------------------------------------------------
芳芳姐金句
報告咪報告囉,拍咩野掌呀..

post a comment


archives
my journal