| View: | User Info. |
| View: | Friends. |
| View: | Calendar. |
| View: | Memories. |
| You're looking at the latest 20 entries. Missed some entries? Then simply jump back 20 entries. | |
|
|
Blurty for 月巴女未.
|
||||||||||
| Tuesday, January 10th, 2006 |
|
||
|
雪人仔:) 雞丁仔:) 沈bb:) 小瑩:) 一家四口 |
||
|
|
| Friday, January 6th, 2006 |
|
||
|
前晚同尋晚都約咗你:) 前晚就行apm... 我地又食唔晒啲野,好浪費咁! 以後我唔會"眼闊肚窄" 尋晚你黎咗沙田陪我行新城市 原來樓上開咗咁多餐廳喎 但最後去咗pizza hut食,個三文魚真係好正! 睇電話,決定一齊買n70. 快啲聽日啦!又約咗肥仔bb同denise行街:) 快啲9號啦!約咗玲玲出黎交換遲來的christmas gift... 快啲10號啦!阿爸阿媽去旅行,琪琪黎我度教我整野,好心急呀! 快啲月尾啦!出雙糧攪去旅行啲野... 好忙 好開心 好期待 |
||
|
|
| Wednesday, January 4th, 2006 |
|
||
|
悶到嘔電............................... 連扮做野既機會都冇! 公司細到靜到放個屁都可以臭死自己 真陰公呀:( 今次扮聲扮出事喇! 有人淨係睬雞丁仔唔睬我囉:( 唔通以後要雞丁上身? 好驚囉..................... |
||
|
|
|
||
|
一個人返工一個人食飯一個人聽收音機一個人放工... 講真,我已經好厭倦呢一種生活. 我寧願搵份遠少少既工,早少少起身,車錢貴少少... 雖然我習慣公司得我一個,不過我更加想多d人陪. 呢種自閉既生活,我覺得好厭好厭...好討厭! 喺度做咗差唔多兩年,自問做到不過不失, 你地一句說話,令到我失去晒工作既熱誠... 我依家只想搵份人工高既工,為自己為將來 我想同我既bb一齊努力一齊進步一齊生活 就黎22歲了...我唔想再錯過任何機會... |
||
|
|
| Tuesday, January 3rd, 2006 |
|
||
|
呢3日假期咁快就完咗... 31號行咗銅鑼灣旺角APM 多人到嘔,12點前已經返到屋企 雖然只喺睇住電視倒數 雖然過得好平淡,不過有你就夠 1號喺屋企睇再說一次我愛你 睇到我喊,好感人 9點半,琪琪黎咗觀塘搵我 你都知你淨係有事先搵我唔啱呢,嘻嘻:) 我地落咗去食糖水 返到屋企玩大富翁 我係金貝貝,你係乜鬼唔記得 淨係記得你贏咗 2號成2點幾先起身 叫pizza食又玩大富翁比人炸晒我啲屋 夜晚去咗同阿肥佢地唱k 我真係覺得我愛死你了:)bb 病bb要快啲好番! |
||
|
|
|
||||
|
1月1號晚 多得你親親我 多得你哄我訓 多得你照顧肚痛中的我 令我知道 我不再是一個人談戀愛 你的好我都感受到了 世界再大,誘惑再多 我也只想今後擁抱你一個 |
||||
|
|
| Friday, December 30th, 2005 |
|
||
|
今朝起身既時候已經......10點喇! 咁大個女第一次返工遲到呀,點解會咁架? 行咗出廳打比呀joel,老豆係度嘈嘈閉! 我問佢做咩唔叫我起身,佢竟然話..."叫咗幾次啦..." 我即刻0晒嘴啦,叫咗唔醒都唔叫多幾次. 好攰...................................... |
||
|
|
| Thursday, December 29th, 2005 |
|
||
|
邊個喺我bb屋企上面鑽野嘈嘈閉阻住佢訓覺:( 一陣佢返工冇精神我一定唔會放過佢! 哼............. |
||
|
|
|
||
|
噚晚放工約咗家姐同佢男友去A-1食飯, 搭緊車嗰陣想打比呀ling,點知kyo打黎同佢講咗好耐:) 最後唔記得打比呀ling:( 我地幾時見面呀? 家姐同佢男友7周年!好勁呀, 而我就做咗一晚light bulb:P 不過都成日見唔緊要囉... 因為噚晚同佢地去睇荷里活冰上之旅囉! 好好睇,不過前面個男仔好高阻住晒:(但幾靚仔的;) 後面又有個樣衰的小男孩嘈嘈閉:( 男仔戴帽真係幾好睇幾型架bor! i like it ar! |
||
|
|
| Tuesday, December 27th, 2005 |
|
||
|
26號family day 朝早同屋企人去咗飲茶 之後同媽咪家姐地去咗新城市行街 終於買咗件衫同買咗對boot! 件衫好靚我好鐘意呀:) 等埋四姨黎就去咗tea 行多陣就返屋企打麻雀 打到6點到我就準備出門口啦 點知喺toilet見到外面好大煙 原來樓下四樓火燭呀! 好驚囉:(咁大個女第一次經歷呢d野 雖然暗地裡有少少興奮:P 之後7點半去咗tst 約咗d小學同學去italian tomato食 今次好齊人呀,有阿文,chris,佩怡,橙,carol,carol男友,張詠雯, 食完就交換禮物...有點兒內疚:(個個都咁有heart去買禮物,我同mingyi 10點半走,好趕好趕...我跑到胃痛,仲要一路跑一路驚:( 27號sleeping day 今日全日訓覺,休息咗一日 聽日開始返3日又放3日喇:)happy 31號我要shopping買野食野過12點 31號你係我既,365日你都係我既! |
||
|
|
| Monday, December 26th, 2005 |
|
||
|
05年既聖誕就咁就結束咗=) 收到winnie喺澳洲send黎既sms,so sweet sweet呢! 仲有阿邦既sms...仲有其他朋友仔! 24號平安夜去咗澳門, 去咗大三巴...去咗賭場見識吓... 去咗旅遊塔,好高好驚,腳都軟埋! 澳門冇我想像中咁好玩,不過都影咗好多相. 咁耐以黎同你影得最多相既一次,請珍惜! 25號,今日只係食咗一餐! 6點返咗屋企放低d手信,7點半就join denise搭火車出又一城 見到面我地交換咗聖誕禮物:) thx,i love it! 又一城棵聖誕樹好靚,又影咗相. 之後去食野,行多陣join家姐同佢男友 睇harry porter,都ok好睇呀! |
||
|
|
| Thursday, December 22nd, 2005 |
|
||||
|
放工約咗kyo送咗聖誕禮物+咭比佢 原本想買手襪同頸巾,但睇唔啱,算吧啦! 行到8點,同佢分別之後join傑傑同肥魚 食italian tomato,點解啲人話好好食?我唔覺! 之後等家姐黎,去咗食滿記糖水, 點解啲人話好好食?我又係唔覺... 啲人話好人有好報,多勞多得,我都真係唔覺 做得多錯得仲多,點解我仲要做咁多? 我得到過啲咩!?一啲都冇... 人地做少少得到多多 我做多多得到啲咩!? 做人愈假愈開心 我做人太真 所以我不快樂! |
||||
|
|
| Tuesday, December 20th, 2005 |
|
||
| my heart is feeling uncomfortable again:( | ||
|
|
|
||
|
噚晚真係好不快,打咗俾好多朋友仔大吐苦水!!! 我知道我明白,因為佢話走,所以會咁樣樣去留佢... 因為走嗰個唔係我,佢地冇必要咁樣樣去留我. 不過,一係唔好比我知,比我知道我就好唔開心囉, 我都可以一走了之架,之不過我唔想連我都走埋先留低, 你地又有冇諗過我呀?我連提都冇提因為我唔想你地難做咋, 講真,我自問咩都為公司諗先,你地話你地對我好, 我覺得我對你地仲好,我都好想走,但我冇用走去威脅你地, 我一早話走,我相信依家我既人工都不至於此... 但最後比我發現你地咁唔識做...諗吓諗吓...好嬲好嬲... 我唔開心,因為你地...鬼鬼祟祟! 呢度,已經唔係好似以前咁乜都可以講乜都可以做喇, 呢度,開始變成令我覺得唔開心既一個地方... |
||
|
|
| Monday, December 19th, 2005 |
|
||
|
今日阿joel問我記唔記得某某公司用開隻font, 咁我一早已經delete咗個email,所以我話幫佢搵吓肥丁個outlook有冇 點知...就係咁比我發現咗呢個粗心大意既肥丁, 唔記得delete啲咁重要既email,比我知道...原來... 阿joel用＄１１０００想留住肥丁! 睇完真係十萬個唔開心:( 唔怪得之叫肥丁唔好同我講... 我真係一啲都冇興趣想知,點解偏偏要比我知道咗 攪到我唔開心咗成個下晝 個腦不停咁諗住＄１１０００... 我冇嬲任何人,根本成件事我只係覺得 我應該要走,我想走,勁想走,一定要走! |
||
|
|
| Sunday, December 18th, 2005 |
|
||||
|
我好鍾意對毛毛拖鞋呀! 著住佢地真係好暖架. 一人一對,我地又多咗4個新成員喇,有你有我有雪人仔有2隻狗仔同2隻貓仔. 你做乜依家會陪我玩公仔既:P嘻嘻,好攪笑... 好怪怪的,噚晚突然問你錫唔錫我...其實,我都感受到你對我真係好咗. 希望你唔係只有三分鐘熱度,知冇!?如果唔係打巴你! 你又作病我好擔心呀,因為你病咗就冇人陪我玩,冇人比我打...所以你要快d好返呀! 睇住你訓覺個樣真係得意到吖,我真係忍唔住錫咗你幾啖:) 今日4點約咗大家姐同二家姐,之後join埋四姨shopping... 今晚做節打邊爐,好熱氣呀! 仲有5日,我又可以見到你喇,呢個星期要努力呀!!! 有愛便有權 因此天生我從不暗戀 我也未信姻緣 假使不喜愛我回身走就算 不想轉呀轉 應該瀟洒的去選 能自信定如願 情敵縱使不遠 有了我 我信會入選 Fall in love when I wanna love Then I'll fall in love 誰說我心急 Fall in love when I wanna love Then I'll fall in love 誰說我心急 這些正是我 將整個人交出去的金句 那種樂趣 不需對壘 要我暗地裡愛人 這舉止真正傻得要緊 喜歡應該全身發滾 再沒勇氣掩蓋良心 不想陪情人 天天玩口不對心 從未懂得錫身 寧願赤子一吻 照去吻 免去了熱身 要去伴你總去伴你 不想一下子吊起 從沒有一點秘技 進與退 不喜歡遊戲 Fall in love when I wanna love Than I'll fall in love 誰說我心急 愛就愛 我想愛就愛 我想愛就愛 才愛得精彩 這些正是我 將整個人交出去的金句 那種樂趣 不需對疊 |
||||
|
|
| Friday, December 16th, 2005 |
|
||
|
今日全日都好似冇乜做過野咁! 有十個正呀:) 放工去做facial,kitty好好傾呀,好鍾意佢! 同佢乜都傾...講吓男朋友...講吓買咩聖誕禮物...講吓去澳門.. 佢仲教我去澳門有咩好玩添,十萬個期待呀真係! 下星期要去中旅社買定船飛先得,放心啦!我攪掂:) 做完facial收到哎吖爸b阿邦個msg,原來佢今日生日喎! 咁我就打比佢啦,點知咁啱佢同佢老婆我哎吖媽咪去和民食飯, 我即刻去咗A-1買咗2個芝士蛋糕,再靜靜雞去咗和民送比佢, 好開心呀!估唔到今日見到哎吖爸b,佢都好開心呀! 之後就周圍行去睇聖誕禮物,終於都買咗聖誕禮物比我兩個老死喇! 你嗰份:P仲未諗到呀...不過買咗一人一對毛毛拖鞋囉!好靚好得意架... 你呢你呢你呢,諗到買咩比我未!?定真係冇諗住買比我架!!! :( 今年同denise決定講自己想要既比對方知:)佢今日都去咗買禮物比我! 我話我要手鏈,佢問我要星星定圓形,我揀咗星星~希望係靚靚架啦. 佢就話要schedule book!啱晒啦,咁冇記性...我揀咗本好靚靚既比佢. 本來今晚打算去mk可以見見kyo,不過最後都冇出到啦. 今晚好開心呀,我要繼續shopping,繼續買野...將開心繼續延續落去,yea |
||
|
|
|
||
|
問問自己 一年前想得到的 一年後我是否真的得到? 或者 一年後今日的我 想得到的又是另一些東西了 得到的反而變得不再重要? 我不知道.. 自己需要什麼 今日覺得好矛盾 i am lonely |
||
|
|
| Thursday, December 15th, 2005 |
|
||
|
噚日仲以為好凍,帶咗條頸巾都冇帶過.放工約咗kyo行尖咀,又行利時,又行過石斑丸 行咗好多地方都買唔到聖誕禮物,好頭痛呀!denise嗰份啦,ling嗰份啦,小學 kyo好煩呀!成日迫人陪佢買converse,洗唔洗買咁多對呀!等到8點半tra 補祝tracy生日.不過元綠真係好難食,都係元氣好食啲!我地笑kyo攪到佢唔開心,仲想喊添,so sorry but funny:P 之後,行多陣就返屋企,睇中咗啲野添,買唔買好呢:) denise好可惡!有異性冇人性,叫你同你嗰件講byebye,點知我喺電話另一邊 cut你線,啱啱ling打黎,你入線,我死都唔會聽你電話:( 雖然...我絕對係有異性冇人性,不過都要話你. 呢個星期好正!老細日日冇2點都唔出現,依家日日一個人不知幾正!聽日佢地返晒大陸, 快啲到下星期就好,澳門呀澳門呀...我黎喇. |
||
|
|
| Tuesday, December 13th, 2005 |
|
||
|
做完義工嗰日,覺得成個人輕鬆咗... 因為實在有太多事困擾住我. 但見到d公公婆婆覺得佢地咁老仍然活得咁開心, 我就知道...我都應該為自己加油! 多謝呀文比咗一個咁好既機會我:) 呢幾日行街買野打機食飯開心囉! 希望喺有限既日子裡面同你經歷更多 呢個亦係我上年既願望, 今日,我仍然同你喺埋一齊... 已經令我覺得幸福離我近了一點點. |
||
|
|
|
|
Blurty for 月巴女未.
|
||||||||||
uncomfortable.
loved.