12月15日 星期一
星期六, 日同Susan去左澳門, 阿傑要睇住隻狗冇得黎......
都冇咩特別好講, 去facebook 睇相啦, 但係有樣野唔可以唔講就係祥記麭家!!! 個蝦子撈麭好食到呢~ 個麭好好食, o係咬得開同咬唔開之間, 就係因為你要細慢咀嚼佢o既關係, 成個撈麭o既層次就o係呢個時候出黎, 先黎醬油同食油o既味同膩, 之後就係麭香, 再黎淡淡蝦子鹹香與及少許的燶味再加蔥花o既清香......好唔捨得咁吞左落肚, 先發覺醬與油重留左o係個咀角, 蝦子o既鹹香更係齒甲留香, 好食到喊!!!
睇完地球停轉日......首先, 個地球冇停過, 套戲只屬平庸, 唔會覺得悶但又唔係幾精彩, 一切都係意料之內得黎又好牽強而且唔到肉, 警世不足, 攪到套戲唔上唔落此為敗北之處.....雖然地球的確因為我地而死緊, 但係外星人因為要保住佢地覺得珍貴o既地球而滅絕人類又何常唔係自私o既行為? 之但係講番轉頭, 我覺得我地係唔抵救, 話就話會改, 但係我地有改過咩? 人類的確係一個玻壞性o既物種, 我地所謂o既建設, 其實咪又係建基於破壞......
哇哈哈~!!! 個Pearl MH1390 snare 到手啦!!! 興奮到不得了, 一返到屋企就第一時間又攬又鍚~
(Post a new comment)
(Post a new comment)
|
