有種事情叫常識,英文俗稱common sense,我們通常都assume這些事不用多提,大家都會明白。
就好像可樂,唔使七仔既阿姐提醒,都知道她相當致肥,當然可樂公司更不會傻得事先張揚告誡顧客「飲可樂,因住肥死你」。
又例如久唔久行街市,賣魚佬一定跟你說我的魚好新鮮,賣生果毫無疑問讚自己既橙最甜西瓜最多汁,你大可一笑置之。不過如果你選擇相信的話,只是你天真,又容易比人tum。
一些雷曼苦主聲大大話銀行職員聲言投資迷你債券跟做定期無分別,我才發現好天真好傻豈止阿嬌一人。當初你選擇相信甜言蜜語,自己一的功課都唔做,you can only blame yourself!如果你眼裡只有三個月派一次息,唔使理就好賺過放係銀行,之後就責怪政府怪銀行怪社會,其實,最該怪責的是自己。
麥凱恩佩林不斷重覆經濟危機金融體系崩潰是華爾街銀行家貪婪的結果,因此他們需要好好地接受規管。槍械又唔見佢地話要好好規管。但歸根內咎底,是美國人長年消費多於收入的必然後果。華爾街再聽話又好,如果美國人照舊洗腳唔抹腳,有一天美國國債再無人肯買,搵巴菲特索羅斯做總統都無法阻止美國破產。你去怪投資銀行基金經理信貸機構,先好好反省明知入不敷支仍借錢買樓簽爆信用咭,自己何嘗不是像華爾街的人一樣貪得無厭...
(Read comments)
|
